फागुन १९, शनिबार
मकवानपुर ।
महिलामा लगानीः सभ्य र समुन्नत समाजको थालनी भन्ने नाराका साथ आँचल साहित्य कला पुञ्ज मकवानपुरले रचना वाचन तथा नियमित मासिक भेटघाट कार्यक्रम गरेको छ ।
११४ ओैँ अन्तर्राष्ट्रिय नारी दिवसको सन्दर्भमा आयोजित कार्यक्रम भावना सापकोटाको सभाध्यक्षता, हास्यव्यङ्ग्यकार तथा बुढ्यौली साहित्य समाज मकवानपुरका अध्यक्ष आरसी रिजालको प्रमुख आतिथ्यतामा सम्पन्न भएको हो । साहित्य सर्जक तुलसी घिमिरे, सर्जक सञ्जाल मकवानपुरका संयोजक निमेष निखिल र महाकाव्यकार मुना अर्याल विशिष्ट अतिथि रहनु भएको कार्यक्रममा सम्झना अधिकारी, अनिल कोइराला, रोश्नी चौलागाईँ, स्वस्तिका दाहाल, सानु खनाल, अनु रोक्का, सुबास सजल, सबिता तिमल्सिना, शोभा थापा, राजकुमार लामिछाने, मिथिला अधिकारी, विष्णु गौतम, सविता तिमल्सिना आदिले कविता वाचन गर्नुभयो भने एसके निधनले सूत्रकथा तथा किशन पौडेल र श्याम श्रेष्ठले लघु कथा वाचन गर्नुभयो । संप्रस पौडेलले हास्यव्यङ्ग्य कविता तथा प्रयासी प्रविनाले मुक्तक वाचन गर्नुभयो ।
सर्जक सञ्जाल मकवानपुरका संयोजक निमेष निखिलले कार्यक्रममा वाचित रचनामाथि समिक्षात्मक टिप्पणी गर्नुभयो ।
शनिबार साहित्य सङ्गम तथा सिस्नुपानी नेपाल मकवानपुरको सभाहलमा आयोजित कार्यक्रममा साहित्य सर्जक, साहित्य सेवी, शिक्षक, पत्रकार, स्रोताहरूको उपस्थिति रहेको थियो । छवि अनित्य, मञ्जु खराल, मुक्ति गोविन्द वैद्य, हरिवंश भेटवाल, अभिमन्यु गौतम, भवानी तिमल्सिना, निर्मला ब्लोन आदिको उपस्थिति रह्यो ।
संस्थाका उपाध्यक्ष नीरा शर्माद्वारा स्वागत गरिएको कार्यक्रमलाई एलिजा पुडासैनीले सहजीकरण गर्नु भएको हो ।