२३ बैशाख, आइतबार
नवसाहित्य अनलाइन ।
‘नखानु पानी तोङबाको’, ‘उँभो उँभो लेकमा म जाँदा’, ‘रोसी खोला पारी मेरो मामा’ लगायतका गीतका गायक विजय लामाले समाज सेवाको उद्देश्यले संस्था स्थापना गरेका छन् ।
‘याङ्गजीन साङ्गगे’ फाउण्डेसनमार्फत् उनले देश विदेशमा हुने साङ्गीतिक कार्यक्रमबाट हुने आम्दानीको २० प्रतिशत समाजसेवामा छुट्याउने घोषणा गरेका छन् ।
संस्थामार्फत् दुर्गम र निम्न स्तरका मानिसहरुको स्वास्थ्य, बृद्धा र बाल आश्रममा सहयोग, लागू औषध तथा दुर्व्यसनी फसेका युवायुवतीहरुलाई सामान्य जीवनमा फर्काउन सहयोग गर्नेछ । यस्तै संस्थाले गुम्बा, स्तुपा, मन्दिर बनाउन समेत आर्थिक सहयोग गर्नेछ । काभ्रेस्थित आफ्नै गृहजिल्लामा ‘याङ्गजीन साङ्गगे मेमोरेवल पार्क’ समेत निर्माणको तयारीमा रहेको छ ।