जेष्ठ १४,मकवानपुर । नवसाहित्य अनलाइन ।
कवि पुरूषोत्तम आचार्य पछिल्लो गीत “उठ हे युवा” लिएर आउँदै हुनुहुन्छ ।
सर्जक संजाल मकवानपुरले आचार्यको गीत एक समारोह आयोजना गरेर सर्वाजनिकीकरण गर्न लाएको हो ! पुरूषोत्तम आचार्यको रचना तथा सङ्गीत रहेको गीतमा पुरूषोत्तम आचार्य, हरि पौड्याल, आरोह सी को आवाज रहेको छ । गीतवारे श्यामकुमार बानियाँ, शान्तिप्रिय वन्दना, समर्पण न्यौपाने लगायतको टिप्पणी रहने छ । कार्यक्रम रोयल पार्टी प्यालेसमा जेठ १५ गते बिहान ७:३० मा हुनेछ ।
आचार्यका ‘भोको मझेरी’ मुक्तक सङ्ग्रह (२०६८), ‘मुटु र गीतहरू’ गीती सङ्ग्रह (२०७०), ‘Roaring Flames’ (संयुक्त कवितासङ्ग्रह २०७७), ‘छैनौ कसोरी तिमी’ ‘जुनेली’ (खण्डकाव्य २०७९) का साथै विभिन्न फूटकर रचनाहरू प्रकाशित छन् । यसअघि ‘घाम त झुल्क्यो’ गीतको एल्बम सार्वजनिक भैसकेको छ ।