३१ जेष्ठ २०८१, बिहिबार
नवसाहित्य अनलाइन । यशस्वी प्रज्ञा प्रतिष्ठानले यशस्वी पुस्तक पुरस्कार २०८१ का लागि पुस्तक पठाउन लेखक तथा प्रकाशकहरूसँग अनुरोध गरेको छ ।
२०८० चैत्रको अन्त्यसम्ममा नेपाल र नेपाल बाहिर प्रकाशित नेपाली लेखकहरूले लेखेका नेपाली र अङ्ग्रेजी भाषाका पुस्तकहरू ३ प्रति यशस्वी प्रज्ञा प्रतिष्ठानको कार्यालयमा २०८१ असार २१ गते शुक्रबारसम्म उपलब्ध गराउन अनुरोध गरिएको छ ।
यसरी सहभागी पुस्तकहरूमध्ये कथा, गैरकथा, कविता, इतिहास, संस्कृति, अनुसन्धान र अनुवाद विभिन्न विधाका पाँच उत्कृष्ट पुस्तकलाई ‘यशस्वी पुस्तक पुरस्कार २०८१’ बाट पुरस्कृत गरिनेछ ।
पुरस्कृत पुस्तकलाई २०८१ भदौ २२ गते शनिबार हुने तेस्रो काठमाडौँ कलिङ साहित्य महोत्सवमा २० हजार नगदसहित सम्मानपत्र प्रदान प्रदान गरिने आयोजकले जानकारी दिएको छ ।