आउँछ बर्षामा नदी, नाला खहरेमा भेल बाढी आउँछ,
जाडो आउँदा हुम्ला जुम्लाबाट कम्बल राडी आउँछ।
बिरामीलाई अस्पताल लैजान गाउँमा स्ट्रेचर आइपुग्दैन,
भाषण सुनाउनलाई लिन घरघरै सरकारी गाडी आउँछ ।
खै के भनौं कसलाई भनौँ चलन होला हिजोआजको,
आमाको ओखतीभन्दा पहिला पत्नीको साडी आउँछ ।
आमा भन्छिन् साँझ परेको छ राम्रोसँग जाउ है बाबू ,
छोरो साँझमा आमालाई वृद्धा आश्रममा छाडी आउँछ।
जनताको मतको मूल्य चुकाउनलाई होला सरकारमा,
बेला बेलामा उखान, टुक्काहरु छाट्न गफाडी आउँछ ।
मिथिला अधिकारी
हेटौँडा-८,कमाने
(उहाँ मुक्तक मञ्च, मकवानपुरमा आबद्ध हुनुहुन्छ)