मलाई मेरो क्षमतामा उभिने चाहना पूरा गर्न देऊ
कृपया मलाई सक्षम हुँदा हुँदै अपाङ्ग नबनाइदेऊ
म मेरै पहिचान बनाउन चाहन्छु
तिमी फलानाहरूको उदाहरण नदेखाइदेऊ
म गन्तव्य आफैँ रोज्न चाहन्छु ।
तिमी मेरो पछाडि डोरी नबाँधिदेऊ
मलाई दुनियाँसँग तुलना नगर
मलाई त म हुनु छ,
दुनियाँसँग तुलना गर्द मेरो म हुनुको अस्तित्व हरायो भने ?
म पत्थर जस्तो छु मलाई पगाल्न नखोज
लड्छु यो संसारसँग तर मलाई अरुसँग नखोज
म मनै हुँ, मैभित्र खोज
म यस्तो बनूँ ईर्ष्याले डढाउन नसक्ने
म यस्तो बनूँ कुराले उडाउन नसक्ने
ती सोचहरूसँग भेटूँ
जहाँ मेरो आत्मसम्मानमा आँच नआओस्
जहाँ मेरो विचारमा हौसला पाऊँ
जहाँ मेरो अस्तित्वलाई स्वीकार गरियोस् ।
म जहाँ जहाँ होऊँ, आफू भएर होऊँ
भो अरू उदाहरण नदेऊ तुलनामा
‘म’ म नै हुँ ।
प्रेक्षा तिमल्सिना, हेटौँडा १६