पाउने आशभन्दा पनि गुमाउने डर चल्छ
भगवान्को पनि खुसीमा बढी नजर चल्छ ।
हिरा पाई कोइला बिर्सियो भने पाप लाग्ला
जवानी हुँदा त सुन्दरता पनि भयङ्कर चल्छ ।
मेरो गाउँमा दौरा सुरुवाल चोलीको सान बेग्लै
तिम्रो सहरमा अर्ध देह अनि नाङ्गो फिगर चल्छ ।
विश्वासले धोका खान्छ तर पेट भरिन त देऊ
बरु निस्वार्थ नामको त्यो प्रेमलाई जहर चल्छ ।
जीवन दाउमा राखी पैसा कमाएर पढाउँदा
बल्ल श्रीमती चल्छ अनि मात्र घरबार चल्छ ।
अजर फुयाँल, मकवानपुर