मेरा आमाबुबाले देखेको सपना म पूरा गरिदिनेछु
बाबाको हातमा उठिकन फुटेको ठेलालाई मासुले भरिदिने छु
चिन्ता लिनु पर्दैन आमामाबुबा एकदिन म देशको शान्ति बनिदिनेछु ।
मेरा दाजुभाइको लागि म यमराजसँग पनि लडिदिनेछु
यदि परिआएछ भने परिवार बचाउन म आफैँ मरिदिनेछु
चिन्ता लिनुपर्दैन आमाबुबा एकदिन म देशको शान्ति बनिदिनेछु ।
मेरी आमाले दुःख गरी खनजोत गरेको खेतमा म बीउ बनि छरिदिनेछु
पसिना बगाई उमारेको खेतिमा खडेरी लागे म पानी बनी परिदिनेछु
चिन्ता लिनुपर्दै आमाबुबा एकदिन म देशको शान्ति बनिदिनेछु ।
कसैको चिन्ता, पीर, बोझ नबनी म उड्ने चरी बनिदिनेछु
तीतो मुखलाई मीठो बनाइदिने फल केराको घरि बनिदिनेछु
चिन्ता लिनुपर्दै आमाबुबा एकदिन म देशको शान्ति बनिदिनेछु ।
मेरा आमाबुबालाई घामले पोल्दा शितल दिने झरि बनिदिनेछु
राम्रो काम गर्दा छिटोछिटो फैलन धुवाँसरी बनिदिनेछु
चिन्ता लिनुपर्दै आमाबुबा एकदिन म देशको शान्ति बनिदिनेछु ।
कुसुम लुइँटेल
कक्षा १०, महेन्द्र मा.वि., बकैया ४