मुक्तक १
सम्मान बिग्रियो मेरो इज्जत बिग्रियो
अलिअलि हैन पुरै सत् प्रतिशत बिग्रियो
प्रिय, तिम्रो लागि खुशिको खबर छ
तिम्रो दिल बद्लिएसँगै मेरो हालत बिग्रियो ।
मुक्तक २
खै खराब भएर हो कि सज्जन बदल्नै सकिनँ
बद्लिन्छु भनेपछि त झन बदल्नै सकिनँ
पीडा लुकाएर खुशी हुने अनेक बाहनामा
मुहार बदले पनि मन बदल्नै सकिनँ ।
मुक्तक ३
कति भन्नू अत्याचारीलाई जेल हालिदे
भ्रस्टाचारी गद्धारीलाई जेल हालिदे
आँखै अगाडि कयौँ सपनाको हत्या गरेको छ
लौ न सरकार जिम्मेवारीलाई जेल हालिदे
पवित्रा तिमल्सिना तीनपाटन ६, सिन्धुली