बाँच्ने रहरमा
बाँच्ने मान्छेहरू
इमान्दारिता र नैतिकतालाई
आगो लगाएर
विगतका पहिचान भुलिरहेछन्
हरेक गन्तव्यहरू टुङ्गिएर
नितान्त एक्लो भएका छन्
आजका मान्छेहरू
नाता अनि सम्बन्धका
साङ्लाहरू तोडेर
आफैँलाई बिर्सिरहेछन्
फगत मान्छे
समयलाई बलात्कृत गरेर
प्रतिस्पर्धी झैँ
समयसँग उछिन पाछिन गर्दै
घन्काइरहेछन्
इनकलाप जिन्दावाद
इनकलाप जिन्दावाद
म
चोकमा उभिइरहेछु
र
नियाली रहेछु
दृश्य अनि शृङ्खलाहरू
एकपछि अर्को
यो अनि ममा
उसको र मेरो गन्तव्यमा
फरक कति छ त… ?
एक दिन त जानु नै छ
म त्यो बुझ्ने प्रयासमा छु
जिन्दगीको अन्तिम संघारसम्म ।
थाहा नगारपालिका, मकवानपुर