मुक्तक “कि”
ज्यब खोन्सी ज्यब चासी दशै मनाईधिउ।
मोखन दा मोईदिप लासी दशैँ मनाईधिउ।
हलाई म्हिदा अज्यबा बेहोर् अओन्सीमाले,
खुदुराङ्बा किगिब तासी दशैँ मनाईधिउ।
मुक्तक “न्हि”
रेगो रेगो ज्योज्यो-आले, नुङ्सी मालेआदा।
राङ्नुन प्राउ म्हीला मे, चुङ्सी मालेआदा।
ज्ञानसिप लोप्सी, राङ्लान,काङरी राप्को
आदोबा चु बप् रक्सि, थूङ्सी मालेआदा।
मुक्तक “सोम”
छुम्सी थानगो सेमरी माया जम्बुलिङसे म्राङ्ला।
ताबा-अताब तोबा-अतोबा जम्मन ताम पाङ्ला।
पापीमुला चु जम्बुलिङ हजार ग्युन्द लासीमाले
एदेन ङाला चोदे कोङ्बा मायादा चटक्क टाङ्ला
– सुबास सजल