नदीहरु
समयलाई काखी च्यापेर निरन्तर बगिरहेछन नदीहरु
किनारा साक्षी छ मान्छेको अन्त्य मृत्यु जस्तै
नदीको पनि त आफ्नै अन्त्य होला
तर, कहाँ गएर थकाई मार्छन होला नदीहरु
साईनो
म धर्तीमा बसेर एउटा हिसाव गरिरहेको छु
साइनोमा को जेठो
म जेठो कि ! मेरो आँशु
म जेठो कि ! मेरो मुस्कान
क्रान्ति
कसैको मन नदुखाईकन
कसैको झुपडी नजलाईकन
कसैलाई टुहुरा नबनाईकन क्रान्ति गर्नु पो क्रान्ति
क्रान्ति त बामे सरिरहेका नानीहरु गर्दैछन
कालिका पाउले जमिन टेकन खोजेर