मंसिर ९, शनिबार
मकवानपुर ।
भारत, उत्तर प्रदेश मेरठको चौधरी चरण सिंह विश्वविद्यालयमा आयोजित त्रिदिवसीय क्रान्तिधरा मेरठ साहित्य महोत्सवको दोस्रो दिन लघुकथा सत्रमा, उत्तर प्रदेशका ऊर्जा राज्य मन्त्री डा. सोमेन्द्र तोमरबाट लघुकथा चौतारी मकवानपुरका संयोजक किशन पौडेललाई स्मृति पत्रबाट सम्मानित गर्नुभएको थियो । उक्त लघुकथा सत्रमा भारतका वरिष्ठ लघुकथाकार डा. शिखा कौशिक, संजय कुमार शर्मा, माता प्रसाद शुक्ला, निता चौधरी, नेपालबाट बलराम उपाध्याय रेग्मी र किशन पौडेलले लघुकथा वाचन गर्दै त्यस बारे चर्चा गर्नुभएको थियो ।
साथै उक्त त्रिदिवसीय कार्यक्रमको बहुभाषिक कवि सम्मेलन सत्रमा मकवानपुरका सर्जकहरू साहित्य सङ्गम मकवानपुरका अध्यक्ष डी.बी. बर्तौला, उपाध्यक्ष सानु खनाल, मातृभूमि साहित्य समाजका पूर्व कोषाध्यक्ष कवि बैकुण्ठ लामिछाने, कार्यसमिति सदस्य एवम् किशन पौडेल र देवेन्द्र कलवारले आफ्ना रचनाहरू वाचन गर्दै बहुभाषी कार्यक्रममा सहभागिता जनाउनु भएको थियो ।
वरीष्ठ गजलकार घनश्याम परिश्रमीको सभाध्यक्षता रहेको कार्यक्रमलाई सहजीकरण डा. देवि पन्थीले सहजीकरण गर्नुभएको थियो । कार्यक्रममा क्रान्तिधरा साहित्य अकादमीका अध्यक्ष डा. विजय पन्डित एवम् पुनम पन्डितले नेपालबाट सहभागी साहित्यकारहरूलाई स्मृति चिन्ह एवम् सम्मानपत्रले सम्मानित गर्नुभएको थियो ।
कार्यक्रम क्रान्तिधरा साहित्य अकादमी इतिहास विभाग चौधरी चरण सिंह विश्वविद्यालयमा सप्पन्न भएको हो ।
(मेरठ, भारतबाट किशन पौडेलको सहयोगमा)