गजल मञ्च मकवानपुरको २०९औं गजल यात्रा सम्पन्न भएको छ । नियमित श्रृङ्खलाअन्तर्गतको सो कार्यक्रममा १ दर्जन सर्जकहरूद्वारा गजल वाचन गरिएका छन् । गजल मञ्च मकवानपुरका अध्यक्ष केशव समर्पणको अध्यक्षता, साहित्य सर्जक तुल्सी घिमिरेको प्रमुख आतिथ्यता र सर्जक सञ्जाल मकवानपुरका संयोजक निमेष निखिलको विशिष्ट आतिथ्यतामा आयोजित कार्यक्रममा सर्जकहरू ऋषि केबी, सानु खनाल, पुरूषोत्तम आचार्य, बैकुण्ठ लामिछाने, देवराज तिवारी, माधव पोख्रेल, अनिल कोइराला, डीबी बर्तौला, सुबास सजल, मिथिला अधिकारीले गजल वाचन गर्नुभयो ।
कार्यक्रममा साहित्यसेवी, साहित्य सर्जक मुक्तिगोविन्द वैद्य, सुदर्शन अधिकारी, छवि अनित्य आदिको उपस्थित रह्यो । शनिबार साहित्य सङ्गम तथा सिस्नुपानी नेपाल मकवानपुरको संयुक्त भवनमा आयोजित कार्यक्रमलाई गजल मञ्च मकवानपुरका सचिव हरि पौड्यालले सहजीकरण गर्नु भएको हो ।