मकवानपुर । मकवानपुरको अग्रणी साहित्यिक संस्था झरना साहित्यिक परिवार झसाप, मकवानपुरको आयोजनामा बदामसँग कविता कार्यक्रम आयोजना हुने भएको छ । झसापको २९८ औँ साहित्य शृङ्खलाका अवसरमा मकवानपुरका सबै सर्जकहरुले बदाम र सुन्तला खादै कविता वाचन गर्नुहुने संस्थाका अध्यक्ष विश्वनाथ सञ्जेलले जानकारी दिनुभयो ।
पौष २७ गते शुक्रबार हेटौँडा–१७ मा रहेको जुरेथुम पर्यटकीय पार्कमा बिहान १०:३० बजे कार्यक्रम हुने उहाँले जानकारी दिनुभयो ।
झसाप, मकवानपुरले हरेक महिना नियमित साहित्य शृङ्खला गर्दै आएको छ । झसाप, मकवानपुरले अघिल्लो महिना बागमति गाउँपालिकाको सूर्य माविमा साहित्यिक प्रशिक्षण कार्यक्रम सञ्चालन गरेको थियो ।