मकवानपुर । मकर संक्रान्तिको पूर्व सन्ध्यामा चितवनको देवघाटमा मकर–काव्य–यामिनी–२०८० सञ्चालन हुने भएको छ । २१ औं श्रृङ्खला अन्तर्गत पौष २९ गते बेलुका ७ बजेबाट सुरुवात कार्यक्रम शुरु हुने आयोजक सदस्य विशप आचार्यले बताउनुभएको छ ।
महेश संन्यास आश्रमद्वारा संचालित महेश संस्कृत गुरुकुल विद्यापीठको संयोजनमा देवघाधाममा आयोजना हुने यस २०८० को काव्य यामिनीमा प्रा।डा। दयाराम श्रेष्ठको प्रमुख आतिथ्यता रहनेछ भने अन्य विशिष्ट कविहरूको पनि उपस्थिति रहने आचार्यले जानकारी दिनुभयो । साथै गुरुकुलबाट साहित्य साधना गरेर आफूलाई साहित्यको सेवामा लगाएका ’देवघाट’ महाकाव्यका लेखक कवि निराजन पन्त, कवि गोबन्दराज विनोदी, कवि सुदेश सत्याल, कवि गौतम मनिष, कवि नगाधिराज, कवि अञ्जान प्रदीपलका साथै अन्य जिल्लाा कविहरूकोसमेत उपस्थिति रहनेछ ।
माघे संक्रान्तिको गण्डकी स्नानले शरीरको कलुषतालाई हटाउँछ भने मकर काव्य यामिनीको साहित्य रसपानले मनको कलुषतालाई हटाउँछ भन्ने विश्वास त्यहाँ आउने साहित्य अनुरागीहरूले गरेका छन् । एउटा कार्यक्रम सुरुवातबाटै उत्तिकै भव्यताका साथ २१ औं श्रृङ्खलासम्म आइपुग्नुले पनि यसको महत्तालाई अझ बढाएको साहित्यप्रेमीको बुझाई छ ।