दुई सय वर्षअगाडि जन्म्यौ रम्घा त्यो गाउँमा
संसारैभरि चम्कियौ तिमी भानुको नाउँमा
घाँसीले पाठ पढाए तिम्लाई जीवनमा केही गर्ने
मान्छेको जुनी लिएर यहाँ सुगन्ध नै छर्ने ।
‘रामायण’ मार्फत अमर बन्यौ नेपाली मनमा
‘रामगीता’ लेखी विकास गयौ भक्तिको भावना ।
‘प्रश्नोत्तर’ बाट नैतिक ज्ञान बाँड्यौ नि तिमीले
त्यो ‘बधूशिक्षा’ मार्फत अर्ती दियौ नि तिमीले ।
नारीका बारे लेखेका कुरा त्यो बधूशिक्षामा
सबैका लागि अप्रिय बने आजको समाजमा ।
नेपाली आकाश चम्किलो पार्यौ तिम्रा ती कृतिले
आदर गर्छौँ सदैव हामी तिमीलाई भक्तिले ।
प्रेरक गाैतम, कक्षा- ७, जी. एस. निकेतन मावि, हेटाैँडा- ५