- नवसाहित्य
संप्रस पौडेल
समाचार प्रमुखः नवसाहित्य
भाद्र ६, मकवानपुर
नवसाहित्य अनलाइन । हेटौँडामा निवृत्त शिक्षकहरूका लागि संस्मरण लेखन कार्यशाला आयोजना हुने भएको छ । नेपाल निवृत्त शिक्षक समाज मकवानपुर तथा शकुन्तला ढुङ्गेल स्मृति कोष नेपालले सो कार्यशाला आयोजना गर्न लागेको हो ।
निवृत्त शिक्षकहरूलाई सिर्जनात्मक कार्यमा जोड गर्नका लागि समाजले पहिलो पटक साहित्य लेखन कार्यशाला गर्न लागेको निवृत्त शिक्षक समाज साहित्य विभाग संयोजक रमेशमोहन अधिकारीले बताउनुभयो । आगामी दिनमा अन्य विधाका लेखन शिल्पहरू समेत गरिने उहाँले जानकारी दिनुभयो ।
यस्तै नियात्राकार अधिकारीले संस्मरण तथा यात्रा संस्मरण लेखनका लागि सहभागिता शुल्क १ सय रुपैयाँ लाग्ने जानकारी दिनु भएको छ । लेखन कार्यशालापश्चात् उत्कृष्ट रचना पत्रिकामा छापिनुका साथै न्युनतम ५ सय शब्दको संस्मरणका लागि नियात्रासङ्ग्रह उपहार प्रदान गरिने उहाँले बताउनुभयो ।
तपाईँको विचार राख्नुहोस्
शेयर गर्नुहोस्
