सी.के. राउतको आत्मकथा “वैरागदेखि बचावसम्म” लोकार्पित

भाद्र ७, मकवानपुर ।

नवसाहित्य । डा. सी.के. राउतको आत्मकथा “वैरागदेखि बचावसम्म” एक कार्यक्रमबिच लोकार्पण भएको छ । शुक्रबार क्वालिटी बैङ्क्वेट, बुद्धनगर, काठमाडौँमा आयोजित लोकार्पण कार्यक्रममा वक्ताका रूपमा पूर्व प्रधानमन्त्री डा. बाबुराम भट्टराई उपस्थित रहनुभयो ।

 

लोकार्पित पुस्तकका सम्बन्धमा बोल्दै भट्टराईले ज्ञानको गहिराईमा पुगेर देशको राजनीतिक जटिलतालाई बुझ्न सक्ने र इमान्दार नेतृत्वको खाँचो रहेको बताउँदै उहाँले पढेलेखेका र बौद्धिक व्यक्ति राजनीतिमा आउनुपर्ने र कतिपय बहसका विषयलाई राउतका पुस्तकले उठान गरेको बताउनुभयो । मिठासपूर्ण नेपाली भाषामा लेखिएको पुस्तक पढ्न लायक रहेको र राउतको प्रयत्नले मधेसी तथा मधेस मात्रैको नेता नभई नेपालकै मुद्दा उठाउने नेता बन्नका लागि सुझाव दिनु भएको छ ।

 

शासकले विभेदलाई अस्वीकार गर्ने गरेका र कुनैबेला आफूले राष्ट्रवादी कविता लेख्दै आएता पनि मधेसीको पहिचान र अधिकारका लागि लड्नुपरेका विषयबारे पुस्तकमा उठान गरेको बताउनुभयो । साथै उहाँले अमेरिकामा रहँदा अङ्ग्रेजी भाषामा लेखिएको पुस्तकलाई हाल नेपाली भाषामा प्रकाशन गरिएको राउतले बताउनुभयो ।

 

नवसाहित्यसँग कुराकानीका क्रममा बुक हिल पब्लिकेसनका प्रमुख भुपेन्द्र खड्काले भन्नुभयो- “किताब असाध्यै प्रेरक छ । एउटा व्यक्तिले जीवनमा आफूले पाएको मात्रै नभई आफ्नो समुदायले नै पाएको दुखलाई सुखमा परिणत गर्नका लागि गरेको संघर्षको कथा पुस्तकमा छ । साथै एउटा कालखण्डको लिखित दस्तावेजसमेत भएकोले भविष्यमा समेत यसको मूल्याङ्कन हुनेछ । मधेसीको छोराले गरेको संघर्ष, भोगेको अपमान र पाएको सफलताको आँखीझ्याल हो यो पुस्तक ।”

 

राउतले विद्यार्थी जीवनमैँ गेरुवस्त्र धारण गरेर भारतका धार्मिक पीठहरूको भ्रमण गरेदेखि अमेरिकाबाट नेपाल फर्केसम्मका विषयवस्तुहरू उक्त पुस्तकमा रहेका छन् भने राज्यसत्तासँगको संघर्ष, गिरफ्तारीलगायतका घटनाहरू र प्रतिनिधिसभासम्मको यात्राका बारे वर्णन गरिएको पाइन्छ । मधेसीले नेपाली हुनका लागि गर्नुपरेका सङ्घर्ष र जहिल्यै परिचय पत्र बोकेर

 

श्रीमद्‍भगवत् गीतालाई दर्शनहरूको दर्शन मान्ने डा. राउत ‘राइट टु रिकल’ को प्रावधान राखेर आफ्ना जनप्रतिनिधिले जनताको चाहनाअनुसार काम गरेको वा नगरेको मूल्याङ्कनका लागि पहिलो अनुमोदन मूल्याङ्कन गर्ने नेपालको राजनीतिक दल जनमत पार्टीका अध्यक्ष हुनुहुन्छ ।

 

पूरा नाम चन्द्रकान्त राउत प्रतिनिधि सभा सदस्य हुनुहुन्छ भने हालसम्म उहाँका मधेश स्वराज, मधेशका इतिहास, वीर मधेशी, Black Buddhas: The Madheshis of Nepal (डकुमेन्ट्री) लगायत कृतिहरू सार्वजनिक भएका छन् । (तस्बिरः भुपेन्द्र खड्का)