वार्षिकोत्सवमार्फत् निरन्तर पुस्तक उपहार दिँदै समृद्ध समाज

मङ्सिर १, शनिबार ।
समृद्ध समाज राष्ट्रिय दैनिकले पन्ध्रौँ वार्षिकोत्सव मनाइरहँदा एउटा कार्यक्रमको निरन्तरतामा जोड दिँदै हुनुहुन्थ्यो सम्पादक सुरेशश्रेष्ठ ।कार्यक्रमको अभिन्न हिस्सा रहन्छ- पुस्तक उपहार । त्यो पनि उपस्थित सम्पूर्णका लागि ।

कहिले अस्पतालका लागि त कहिले सार्वजनिक पुस्तकालय निर्माणका लागि पुस्तक सङ्कलन अभियान चलाउने श्रेष्ठ शनिबार एककार्यक्रमबिच भन्नुहुन्छ- वार्षिकोत्सवमा सहभागी सबैलाई पुस्तक उपहार दिनु एक महत्वपूर्ण हिस्सा बनिसकेको छ । हामी चाहन्छौँसबैको घरमा सानो नै किन नहोस्, एक पुस्तकालय होस् । बाबुआमा पढुन् र बालबालिका त्यसकै सिको गरून् ।

कार्यक्रममा ‘छापा पत्रकारिता; चुनौतिका बिच अब के गर्ने ?’ एक बहस कार्यक्रम सञ्चालन भएको थियो । अग्रज पत्रकार राममणिदाहाल, युवा पत्रकार सुनिता बिष्ट र बागमती प्रदेश सञ्चार रजिष्ट्रार रेवती सापकोटा  सहभागी बहसलाई सञ्चारकर्मी छविअनित्यले सहजीकरण गर्नुभयो । बहसका क्रममा पत्रकार बिष्टले प्रिन्ट मिडियाको भविष्य कमजोर देख्दै आएको बताउनुभयो भनेदाहालले सरकारी विज्ञापनको बाँडफाँड तथा प्रिन्ट मिडियाप्रति सरकारको हेर्ने दृष्टिकोणमा सुधार आउनुपर्ने बताउनुभयो । यस्तैरजिष्ट्रार सापकोटाले आफूसँग केही योजनाहरू भएका तर त्यसलाई कार्यान्वयन गर्नुको विकल्प नभएको र श्रमजीवि पत्रकारकापक्षमा सदैव आवाज उठाइरहेको अवगत गराउनुभयो ।

बहसको समीक्षाका रूपमा पत्रकार राजन दाहाल (खुशराज) ले प्रिन्ट मिडियाको विकल्प अन्य मिडिया नभएको बरू यसले भाषामाअझ ख्याल गरेको साथै अन्य मिडियाका सामग्रीका तुलनामा प्रिन्ट मिडियाका विषयवस्तुले विश्वस्त पार्न सकेको बताउनुभयो ।

कार्यक्रममा पत्रिकासँग विगतमा जोडिएका पत्रकार, व्यवस्थापक, प्राविधिक कर्मचारी आदिलाई समेत सम्मानपत्रसहित सम्मानगरियो ।
शुक्रबार माध्यमिक विद्यालयस्तरी निबन्ध लेखन प्रतियोगिताका विजयीहरूलाई शनिबार वार्षिकोत्सवका अवसरमा पुरस्कार प्रदानगरियो । प्रतियोगितामा सोलिड्यारिटी इन्टरनेशनल एकेडेमीका सचिन यादव प्रथम, सिद्धार्थ शिशु सदनका अग्रिम खड्का द्वितीय रनवोदय शिशु सदनकी ओशिका सुवेदी तृतीय हुँदा भुटनदेवी माविका सिद्धार्थ फुयाँल सान्त्वना हुनु भएको छ । कूल २३ विद्यालयका४४ जना सहभागी प्रतियोगितामा प्रथम, द्वितीय, तृतीय र सान्त्वना पुरस्कार राशि क्रमशः ३ हजार, २ हजार, १ हजार ५ सय र १ हजारनगद तथा प्रमाणपत्र र पुस्तक समेत रहेको थियो ।

प्रतियोगिता मकवानपुर बहुमुखि क्याम्पसमा आयोजित थियो भने वार्षिकोत्सवको कार्यक्रम होटल एभोकाडो एण्ड अर्किड रिसोर्टमाआयोजना गरियो । कार्यक्रममा शिक्षाविद् पुरनबहादुर जोशी, पूर्व शिक्षकहरू रमेश लामिछाने, मोहनप्रसाद शर्मा, राजनीतिकर्मीहरूरघुनाथ खुलाल, रघुरमन न्यौपाने, साहित्यकारहरू निमेष निखिल, सुबास खनाल, राजकुमार लामिछाने, सानुबाबु खनाल, निराशर्मा, भावना सापकोटा, पत्रकारहरू माधव न्यौपाने, शुभलक्ष्मी बिश्वकर्मालगायत विभिन्न संस्थाका प्रतिनिधि, शिक्षक, कर्मचारीआदिको बाक्लो उपस्थिति रह्यो ।