- नवसाहित्य
सुबास
कवि
अमेरिका ! ओ अमेरिका!
अझै कति निर्दोषहरुको रगत पिएपछि
मेट्ने हो तिम्रो, पूँजीवादको तिर्खा?
तिम्रो कहिल्यै नअघाउने पेटमा अझै
के के अट्न बाँकी छन् ?
अझै कतिजना
तिम्रो विपक्षमा बोल्नेहरूलाई कब्जामा लिएपछि
भरिने हो तिम्रो अत्याधुनिक यातना शिविर?
तिम्रो ए.आइ. जडित मस्तिष्कमा
अझै के के विध्वंसहरु प्रि-डिफाइन्ड छन्?
अमेरिका! ओ अमेरिका
कतै तिम्रा
पागल प्रोम्ट इन्जिनियरहरुले
“हाउ टु क्याप्चर युरेनियम फ्रम नेपाल?”
लेखिरहेका त छैनन् ?
– सुबास सजल
तपाईँको विचार राख्नुहोस्
शेयर गर्नुहोस्
